A DUHET TA NDALOJMË GJITHË PLASTIKËN?

Plastika, në thelb, nuk është e keqe; është një shpikje e bërë nga njeriu që ka sjellë përfitime të konsiderueshme për shoqërinë, madje në disa raste edhe mjedisin. Fatkeqësisht, mënyra se si industria dhe qeveritë e kanë menaxhuar plastikën dhe mënyra se si shoqëria e ka shndërruar atë në një mall lehtë të hedhshëm dhe një përdorimësh, e transformoi këtë risi në një fatkeqësi planetare. Mënyrat se si e përdorim dhe hedhim plastikën duhet të ndryshojnë jo vetëm për hir të mjedisit, por edhe të ekonomisë sonë.

ÇFARË MUND TË BËJ SI INDIVID?

Sigurohuni që zëri juaj të dëgjohet. Tregojuni të gjithëve, nga drejtuesit e qeverisë tuaj e deri te pronarët e bizneseve që frekuentoni, se dëshironi që ata ta zgjidhin këtë. Tani për tani, nëse dëshironi të jeni pjesë e komunitetit tonë të aktivistëve që punojnë për të trajtuar këtë problem, bashkohuni me ne këtu. Qeveritë dhe bizneset nuk mund të injorojnë qindra miliona zëra.

 MË TREGONI MË SHUMË ÇKA MUND TË BËJNË QEVERITË

Qeveritë në mbarë botën shumë lehtë fajësojnë ose bizneset ('ata po përdorin plastikën ndaj duhet ta rregullojnë këtë rrëmujë') ose konsumatorët ('ata po blejnë produktet plastike kështu që duhet ta rregullojnë këtë rrëmujë') për këtë krizë. Le ta thyejmë këtë rreth mohimi dhe të gjithë ta pranojmë rolin tonë në këtë problem. WWF po u dërgon një mesazh të qartë qeverive në mbarë botën – e vetmja mënyrë se si mund ta ndryshojmë këtë sistem të prishur është të miratojmë një traktat global ligjërisht të detyrueshëm për trajtimin e plastikës. Kuadri ligjor ekzistues që mbulon ndotjen nga plastika detare është i fragmentuar dhe joefektiv dhe nuk ofron mjetet e nevojshme për një përgjigje globale efektive ndaj problemit. Kjo çështje nuk mund të zgjidhet në nivel kombëtar apo rajonal, apo vetëm përmes masave jodetyruese, vullnetare. Ai kërkon veprim të koordinuar ndërkombëtar, përgjegjësi të përbashkët dhe një qasje të përbashkët. WWF u bën thirrje shteteve të fillojnë negociatat, sa më shpejt të jetë e mundur, për një marrëveshje të re ndërkombëtare ligjërisht të detyrueshme për të trajtuar ndotjen plastike detare.
 
Zhvillimi i një marrëveshjeje ligjërisht të detyrueshme dhe zbatimi efektiv i saj do të bëjë të mundur zgjidhjen e një problemi shumë të rëndësishëm të ndotjes plastike. Shtetet anëtare dhe bizneset janë përgjegjëse për t'u kujdesur për mjedisin e tyre. Të gjithë ne kemi një rol të rëndësishëm në kujdesin për shëndetin e planetit tonë. Pas krijimit të marrëveshjes, do të jetë detyrë e çdo shteti anëtar ta zbatojë atë në nivel kombëtar.

MË TREGONI MË SHUMË ÇKA MUND TË BËJNË BIZNESET

Plastika është një material me kosto efektive, e dobishme, dhe fleksibile, e cila, kur përdoret siç duhet, në fakt mund të ketë një ndikim pozitiv të përgjithshëm mjedisor. Por sistemet tona aktuale të prodhimit nuk e përdorin siç duhet plastikën. Ne e shohim plastikën si një produkt të lirë, njëpërdorimësh, që hedhet lehtë –që është çmenduri, sepse plastika nga vetë natyra e saj nuk shpërbëhet. Ajo zgjat për qindra vjet.
Aktualisht është më e lirë për bizneset që të blejnë plastikë krejt të re të pastër (e bërë, meqë ra fjala, nga vaji) sesa të blejnë plastikë të ricikluar. Ky sistem është jofunksional. Bizneset duhet të luajnë një rol duke siguruar që modelet e tyre të prodhimit të shpërblejnë ripërdorimin e plastikës, dhe jo përdorimin e vazhdueshëm dhe asgjësimin e menjëhershëm të plastikës së pastër. Bizneset me vullnetin e tyre mund të ndalojnë të qenit pjesë e ciklit të pafund të mohimit të përgjegjësisë, duke pretenduar se ky është vetëm një problem i menaxhimit të mbeturinave (d.m.th. "nuk është faji ynë që qeveritë vendore nuk riciklojnë"), dhe në vend të kësaj të marrin përgjegjësi proaktive për materialet që përdorin.

Tregojuni markave dhe bizneseve që mbështetni se është koha për të ndryshuar mënyrën e përdorimit të plastikës.