Ajo që dimë për gjurmët e njeriut në planet është mjaft e frikshme. Pra, çfarë mund të bëjmë të gjithë për ta shpëtuar shtëpinë tonë, planetin që ndajmë me 7 miliardë njerëz, dhe bimët e speciet e pabesueshme?

Gjëja e parë është të merrni parasysh gjurmët tuaja personale, e cila është treguesi i presionit të njeriut mbi natyrën. Çdo gjë që bëjmë ka një kërkesë për natyrën – ushqimi që hamë, rrobat që blejmë, mënyra se si zgjedhim të udhëtojmë.

Kërkesat e bëra nga secili prej nesh janë të tepërta për planetin tonë. Sot njerëzimi përdor ekuivalentin e 1.7 Tokave për të siguruar burimet që përdorim dhe për të thithur mbeturinat tona. Kjo do të thotë se tani i duhen Tokës një vit e tetë muaj për të rigjeneruar atë që ne përdorim në një vit. Një fillim i mirë për të lehtësuar ngarkesën tuaj në planetin tonë është të kuptoni shkallën e ndikimit tuaj. Këtu janë disa këshilla dhe sugjerime të tjera:

Një nga gjërat më të mira që mund të bëni për planetin tonë është të ndryshoni atë që hani. Ngrënia e një diete të shëndetshme dhe të ekuilibruar me një proporcion më të madh dhe një shumëllojshmëri më të gjerë të ushqimeve me bazë bimore, blerja e mishit dhe peshkut vetëm nga burime të qëndrueshme, dhe mosshpërdorimi i ushqimit, të gjitha ndihmojnë në mbrojtjen e planetit tonë.

• Hani një shumëllojshmëri të gjerë të ushqimeve me bazë bimore dhe sigurohuni që ato përbëjnë një pjesë të madhe të dietës suaj
• Zgjidhni ushqim deti nga burimet e qëndrueshme (kërkoni për certifikata MSC ose ASC) dhe shmangni ngrënien e llojeve të peshqve të cilat janë të mbipeshkuara.
• Zgjidhni mishin e prodhuar në mënyrë të qëndrueshme – nëse nuk mund të gjeni një certifikatë të besueshme, pyesni furnizuesin tuaj nëse e dinë se nga vjen mishi që blini
• Asnjëherë mos blini më shumë se sa do të hani; në restorante, merrni me vete ushqimin e mbetur që ta hani në vaktin tjetër.

Gjëja më e rëndësishme që mund të bëjmë për planetin tonë është të reduktojmë në mënyrë drastike emetimet tona të CO2. Si fillim, jini efikas në konsumim të energjisë!
Ju mund ta bëni atë në disa hapa shumë të thjeshtë:

• Fikni televizorin, kompjuterët dhe pajisjet e tjera elektronike kur nuk janë në përdorim. Ata përdorin 10-60% të energjisë edhe kur janë në "stand by".
• Instaloni poça me efikasitet të energjisë. Dhe, sigurisht, si të gjitha sendet elektrike, fikni dritat kur nuk janë në përdorim.
• Lani ekonomikisht. Përdorni makinën larëse ose pjatalarëse vetëm kur keni ngarkesë të plotë dhe zgjidhni programe ekonomike dhe/ose temperaturën më të ulët të mundshme.
• Vendosni temperaturën në sistemin tuaj të ngrohjes pak më të ulët për të kursyer energji. Ndonjëherë veshja e një triko shtesë është më efektive dhe ju kursen para në faturat e ngrohjes.

  

Është shumë e rëndësishme dhe megjithatë kaq e thjeshtë të jesh një blerës i informuar dhe përzgjedhës. Nëse zgjidhni ushqime dhe mallra miqësore me mjedisin në vend të atyre të prodhuara në mënyrë të paqëndrueshme, kompanitë do të duhet të ndryshojnë praktikat e tyre.
Veçanërisht:

• Kujdesuni për sapunët dhe kozmetikën tuaj
• Zgjidhni produkte të mira letre dhe druri – kërkoni për logon e FSC-së. Nëse nuk e ka këtë etiketë, mund të ketë ardhur nga burime të paligjshme ose të diskutueshme dhe kështu të ketë dëmtuar pyjet, kafshët e egra dhe komunitetet lokale.
• Kërkoni etiketat ekologjike - ato tregojnë produkte të prodhuara më mirë 

Kudo që të jeni – në punë, në pushime, në pazar apo në shtëpi – zbatoni gjithmonë thirrjen: kurseni ujë dhe letër!

• Kurseni ujin: sistemet publike të ujit kërkojnë shumë energji për të pastruar dhe shpërndarë ujin tek familjet – kështu që kursimi i ujit mund të ulë emetimet e gazeve serrë. Sigurohuni gjithashtu që termostati i ujit të mos jetë i vendosur mbi 60°C dhe bëni dush për kohë të shkurtër.
• Kurseni letrën: në mbarë botën ne përdorim 1 milion ton letër çdo ditë. Përdorimi i tepërt i kësaj letre është i kotë dhe i panevojshëm dhe ushtron presion të madh mbi mjedisin. Ndiqni disa rregulla të arta: mendoni përpara se të printoni; përdorni të dyja anët e fletës së letrës dhe ulni konsumin e letrës me 50%; shmangni printimin e emaileve ose kopjeve të panevojshme të dokumenteve; dhe ricikloni letrën që keni dhe kërkoni produkte letre të ricikluara.

Whether it's getting to work, going on vacation, or just doing the grocery shopping, how you move about – and what you do at your destination – can have a big impact on the planet.